آه يادنيا..

الله يادنيا الاسى كيف ما ترحم
كيف الأخوه تنسى عند بعض الناس
كيف الرفاقه عند بعض البشر تهدم
كيف الصروح الشامخه تنهدم للساس
كنت احسب ان الصداقه جيش ما يهزم
مثل الجبل ماتهزه نفحة النساس
أثر الصداقه غدت كالحبر في المرسم
لامن تبلل يذوب الحبر في القرطاس
روح زمان المروه راح يابن العم
وأقبل علينه زمن كل ابوه اتعاس
حتى رفيقك الا من مر ما سلم
وش حيلتك غير صفق اخماس بخماس
لو كان حاجته عندك شملكم ملتم
واذا انقصت حاجته تشوفه عكاس
هذا زمان المصالح ياغشيم افهم
عطني وبعطيك هات وخذ كذا لاباس
دامك مريش ابد لا تشيل ذرة هم
لا تخلي الظن يلعب بك مع الهوجاس
ابشر بسعدك اذا لك في البنوك اسهم
لك شان عالي ولك تقدير فوق الراس
واذا الجيب خالي من الدينار والدرهم
ماحد عرفك وانت ابونواس او عباس
ماحد يعبر كلامك يوم تتكلم
في ناظر الناس تصبح شي ما ينقاس
وماحد يرحب بمقبالك في المقدم
تجلس طرف منعزل عن لمة الجلاس
وانت رحت تدلي بشور ماحد يهتم
يعني اذا بختصر لك صفر بين اقواس
هو الناس خلو جدار الصدق يتحطم
والا الزمن قطع جذور الوفا بالفاس
عز الله ان الرفاقه في الزمن الاقدم
يجود كل بعمره لو فقد الانفاس
وين الذي لوزهمته بايقولك سم
وبا يلتفت لك بعينه لفة الجرناس
اللي على طول وجهه دوم مبتسم
دايم وقلبه معك اصفى من الالماس
دنيا غريبهوفينا دوم تتحكم
والوقت دوار فيها قد مشى بعكاس
دنيا بها العسكري يامر على الفندم
وفيها المقدم يدق سلوط للحراس
دنيا بها الفسل يشرب عذب من زمزم
والشهم يشرب من انواع القهر في كاس
دنيا الردى في كنفها عاش متنعم
مبسوط مرتاح سالي الشك والوسواس
يقضي نهاره يلاله بغرور بدون هم
ان دل هذا يدل على انه عديم احساس
يجري الردا في شراينه كجري الدم
ما لومه انلوم والله عرقه الدساس
يضحك بوجهك واذا اعطيته قفاك يذم
يا كليب حاذر تدور ظهرك لجساس
وليته بعد ما يسوى الشي يتندم
والله ولا مفتكر باللي جرى او حاس
لكن على ويش نزعل دامنا نعلم
ان الحياه ذي عباره عن خليط اجناس
وراعي المثل قال بالدقات نتعلم
خل عنك ما قد مضى لك بوجع الراس


تحياتي
كرهت دنيتي

ياسلااااااااام كلمات حلوة يسلموووو!!
بس انتي ليه تكرهي الدنيا تراها حلللللوة ومافي شيء يزعل في الدنيا
والدنيا ماتسوى الا العمل الصااااالح اتمنى تقرأي كلامي تحيااتي لك ياعاشقة دنيتك!!
بياض الثلج

أحلى رد من أحلى أعضاء مشكوووورين عالمرور يعطيكم ألف عافيه