مليت كل الناس مهما يكونون..

ياصاحبي والمـوت مـوت الامانـي
والا الاوادم شي عادي يموتـون..!

ياصاحبي مليـت بعـض الاغانـي
ودي اغنيها ولا جت علـى الهـون

مليـت انـا مليـت حتى..زمانـي
مليت كل الناس مهمـا يكونـون..؟

حتى حبيبـي وهوحبيبـي جفانـي
بالله قلّي مـن بقالـي بهالكـون..؟

صبرت لين الصبـر حطـم كيانـي
لا فادني صبر ٍ ولا راحـت حـزون

ما غير اجاوب صوت جرحٍ دعانـي
واقول ياجروحي مع الوقت تبرون..؟

وهذا انا مـن يـوم خبـرك ترانـي
مابين هم وحزن وآهات وطعـون..!

ولا جيت اسلي خاطـري بالمعانـي
اخاف بعض الناس فيني يحسون..؟

ولا ودي احد ٍ مـن عنايـه يعانـي
جرح ٍ بقلبي ولا ابيهم يعرفـون..!!

واكبـر قهـر لا فارقتـك الامانـي
واحباب قلبك فوق همك يخونون..؟!!